生完仔係吾係要即刻補？

有人問，生完仔係吾係第1日就要即刻補？

 

其實一生完吾太適合立即進補，因爲無論順產同開刀，外陰或腹部都有傷口，加上有惡露排出 （惡露--胎盤移離後的一些殘留組織），太早進補可能令傷口出現痕，滲血，傷口可能埋得無甘好，太溫補亦可以導致惡露不斷，甚至有臭味。

所以生完至少要比產婦1個休養期
岩岩生完後體質虛弱，腸胃都需要休息，不適宜進補加重腸胃負擔（指用中藥材），產後大便難既情況都幾common, 又藥材湯又花膠， 甘滋膩大便好難通啵。進食以食物營養豐富爲主，係無感冒或其他吾舒服既情況下，可以飲小量雞湯、魚湯。直到血性及漿液性惡露停止，先好適量甘進補。

產婦生完之後，反而應該留意大小便通吾通， 惡露如何， 食欲好吾好，有無血壓異常、水腫等，吾好完全將產後調護側重曬去點補點補。

以上資料由李上琦中醫師提供